ГА «Беларуская асацыяцыя журналістаў»

Уводзіны ад Максіма Кудзіна, загадчыка навуковай часткі запаведніка

Дазвол на наведванне радыяцыйнага запаведніка філія атрымала ў Дэпартаменце па ліквідацыі вынікаў катастрофы на Чарнобыльскай АЭС Міністэрства надзвычайных сітуацый Рэспублікі Беларусь.

Запаведнік цяпер – гэта прыродаахоўчая і навукова-даследчая ўстанова, якая ахоплівае плошчу 216 тысяч гектараў асабліва заражаных радыяцыяй тэрыторыяў Брагінскага, Хойніцкага і Нараўлянскага раёнаў. Пасля катастрофы на ЧАЭС адсюль былі адселены 92 вёскі.

Да кандыдата біялагічных навук Сяргея Кучмеля пытанняў багата

Журналісты пазнаёміліся з навуковымі даследаваннямі, якія вядуць ў запаведніку тры спецыялізаваныя аддзелы – радыяцыйна-экалагічнага маніторынгу, экалогіі раслінных комплексаў і экалогіі фаўны, лабараторыі радыяцыйных вымярэнняў. Месцяцца  яны ў адселенай вёсцы Бабчын.

У выселеным Бабчыне

Удзельнікі прэс-тура пабывалі таксама на конеферме, у пладова-ягадным пітомніку, на кантрольна-прапускным пункце “Майдан”. Апошні закрывае  шлях у беларускі сегмент абсалютна запаведнай 30-кіламетровай зоны вакол Чарнобыльскай АЭС, дзе асела найбольш выкідаў доўгажывучых радыёактыўных элементаў. У прыватнасці, плутонія  і яго даччынага прадукта – амерыцыя-241.

Былая бацькоўская хата паэта Міколы Мятліцкага ў Бабчыне

Мелі гутарку журналісты і з абаронцамі тэрыторыі запаведніка ад пажараў, пабывалі на станцыі дэзактывацыі. Некаторыя ўдзельнікі прэс-тура прайшлі нават абследаванне на прыборы СІЧ – дзеля ацэнкі дозы ўнутранага апраменьвання.

Варвара Чаркоўская на СІЧы

Журналістка Людміла Копаць і дзяжурны Майдана Сяргей Пархоменка

Тлумачэнні журналістам падчас паездкі ў Палескі дзяржаўны радыяцыйна-экалагічны запаведнік давалі яго дырэктар Пётр Кудан, навукоўцы Сяргей Кучмель, Максім Кудзін, Вячаслаў Заброцкі, Мікалай Бажок, некатоыя іншыя спецыялісты і супрацоўнікі.

Конеферма ў зоне

Па выніках прэс-тура яго ўдзельнікі рыхтуюць разнастайныя  публікацыі, фота- і відэарэпартажы.